Actuación polo 30 ANIVERSARIO DO GRUPO DE BAILE E GAITAS A NOSA SEÑORA DA XUNQUEIRA

O noso grupo Irmán "Grupo de baile e gaitas A Nosa Señora da Xunqueira" está de aniversario, 30 anos levan espallando a música e o baile tradicional galego.

O Grupo de baile e gaitas A Nosa Señora da Xunqueira nace como agrupación folclórica no ano 1984 da man da "Madre Otilia", unha monxa que sentía inquedanza pola música e o baile tradicional galego. O Grupo intégrase na parroquia da "Nosa Señora da Xunqueira", comenzando cun grupo de 50 nenos e nedas de entre 8 e 17 anos, número que varía de ano en ano.

Algunhas finalidades principais desta agrupación folclórica son: coñecela cultura popular, recuperala e espallala, ademáis de agasallar á xente da parroquia e de fora dela, cun día festivo, cheo de ledicia, no marco dunha amizada, convivencia e cooperación.

O traballo que está a desenvolver este grupo non é a nivel profesional, senon que o seu obxetivo é que tódolos compoñentes participen nel facendo o que lles gusta, bailando, tocando e cantando sen condicións de discriminación.

Na actualidade o grupo está formado por unhas 40 personas de idades comprendidas entre os 4 e os 60 anos, e repartidas en tres subgrupos, reunidos por idades.

As actuacións das que foi partícipe a agrupación repártense por toda a comunidade, dende celebracións de festas patronais, participacións en festivais musicais, amenizando as procesións, ademais de outras diversas celebracións coma bodas ou despedidas de buques-cruceiros . Tamén colabora en festivais benéficos organizados por asociacións sen ánimo de lucro, festivais folclóricos ou festivais celebrados en centros culturais.

Ademais destas actuacións citadas con anterioridade, o grupo acode en representación do concello, a cidades como Santa Eulária des Riu en Ibiza, ou tamén a mostras do viño ou gastronómicas,  a eventos de interese turístico internacional, coma a Romaría Vikinga, en Catoira ou as festas de San Roque en Vilagarcía de Arousa e tamén en recepción oficiais como á dos campións do mundo 2009 de vela en clase platú ou no Open Nacional Snipe 2011.

Na actualidade, e dende hai varios anos, os mestres encargados desta agrupación son Carmela e Jose, que levan os grupos de baile e gaita, respectivamente, e ós que adican parte do seu tempo de lecer, incluíndo días festivos e fins de semana.

Para celebrar o seu 30 aniversario convídannos ó próximo sábado día 13 de septembro ás 21:00h. na parroquia de A Nosa Señora da Xunqueira ó festival que organizan, un festival cheo de recordos de grandes momentos e no que participaran os Anfitrións "Grupo de baile e gaitas A Nosa Señora da Xunqueira", Os Terribles de Arousa, Os Mersenarios, Danza de Arcos de Cobas acompañados polos Carballeiras,  O Grupo Folclórico Mocedade da Torre 83 e nos as Cantareiras Bulideiras de Fontecarmoa.

Para rematar felicitar o noso grupo irman...

PARABENS!!!! 

 

 Fonte de información: www.axunqueira.com

De faena ou de gala, O TRAXE TRADICIONAL GALEGO

   Según como estén colocadas as borlas dunhas botas o que as viste comunica estar casado ou solteiro. . Tiñan un para diario, o traxe do campo ou faena; e outro para as festas, o traxe de gala. O primero usábase para traballar e por iso as súas teas eran moito máis grosas e resistentes. No de gala abundaban as teas finas e as sedas e tiña un montón de adornos e complementos. 

Traxe de muller vista de frente (Extraído do Museo do Pobo - Santiago de Compostela)

Traxe de muller vista posterior (Extraído do Museo do Pobo - Santiago de Compostela)

O traxe de muller tiña  refaixo, enaguas, saia, mantelo, mandil, camisa, dengue, chaquetilla, mantón, que normalmente iba por riba do dengue, cofia ou pano. O de home era máis sinselo, polainas, calzoncillo largo, pantalón (máis coñecido como calzón), faixa, camisa, chaleco, chaqueta e montera ou sombreiro. O calzado é, en amboslos dous casos, zuecos para diario e zapatos co traxe de gala. E usouse ata principios do século XX.

   Para moita xente, aunque por sorte cada vez menos, o traxe galego (sobre todo o da muller) é básicamente unha falda vermella, un mandil, un dengue e un pano da cabeza. Grazas a numerosas investigacións, hoxe en día sabemos que esta uniformidad no é certa, aunque si que houbo unha corrente en canto a forma de vestir. O traxe Tradicional Galego varía moito segundo a zona xeográfica, a ocasión e as posibilidades.

   Este é o noso traxe, e comprende zocos ou zocas, medias negras, pololos, enaguas, falda, mandil, camisa, pano, chalecos (dispoñemos de varios que poñemos según a ocasión), pano da cabeza e pamela. Pero sempre sempre vai acompañado dun pequeno prendedor, unha bonequiña pandereteira personaliza, a nosa insignia, insignia das Cantareiras Bulideiras.